بمناسبة يوم الشهيد
****************
عيوني اتشاوف اعله الدرب ++ وتراب
ومتهزني عواصف بعد ++ وتراب
يرَ گبرك الشامت حجر ++ وتراب
اويرَ التاريخ گبرك مزهريّة
الشهيد عبد الحسين ابوشبع
*****
القصيدة
جواد القابجي
******
إلك مِفْدي الوطن .. ماجيت أنعاك
لأنك بالضماير حَيْ
ياشجره المِفِرعه .. انلوذ بفياك
ياواحة عشگ .. بكتارها الضي
أشوفك كل وكت
كل لحظه ويّاك
عجيبه الگال عنّك .. فارگ الحي
أشوفك عالجدار
او بالجريده
وشوفك علَم .. ويرف فوگ كل راس
أشوفك عَم .. اخو .. اوخَي
ونته ابكل گلب
تتعلگ اوســـــــــــــام
يلنّك للعطاشه .. إشتاگتك مَيْ
*************
رِدِتْ للشعب تحقيق السعاده
وعبَّدتْ الدرب .. بالروح والدم
ماخوَّفك طاغي .. وضطهاده
ولا ظِلْ الجبان .. الإجه املثَّم
بين إضلوعنه .. اومحروس بالروح
وبحُب اعراگنه
للموت .. نتحزَّم
*********
إنتَ الشرف والعفَّه او ++ شهاده
وللما عرف خل ينظر ++ شهاده
إليقدِّم للوطن روحه ++ شهاده
يضل عايش حياة الأزليّه
مرات القراءة: 2002 - التعليقات: 0
نقوم بارسال نشرة بريدية اخبارية اسبوعية الى بريدكم الالكتروني ،
يسرنا اشتراككم بالنشرة البريدية المنوعة. سوف تطلعون على احدث
المستجدات في الموقع ولن يفوتكم أي شيئ
(( الشهداء لن يموتوا أبدا ))
