فرحي يـَيـمْه اوهَـلهـلي – جانَـه الفَـرَجْ وادَلّـلي

شَـعَـبْـنَـه بيهم مبتلي

شــوفْ النائـبـَـه الغَـنـدورَه

صورة لخوهَ امعلگـه بالصوره

مـن يـعـرفْ الحـَـزورَه ؟

بـيـعي يَـحلوَه لبلبي – شَـعَـبْـنَـه بيهم مبتلي

*********

ايـدكْ ابأيـدي اونـتحـــدْ

نـطردْ الباگـوْ هالبَـلـــدْ

يـخـلصْ بَـلدنَـه اويـنسعـدْ

صوتَـكْ مهم يا سَـيـدي - جانَـه الفَـرَجْ وادَلّـلي

********

فَـكـّرْ ابهيدَه وانـتخـبْ

بالك يَـشَـعـبي تـنغـلبْ

مشتركه الحكومه بالنهبْ

لا تنتخبهم ! نـنـسـبي - شَـعَـبْـنَـه بيهم مبتلي

********

العـِنـدَه شـهادَة.. يـفـتهـمْ

يـنـقـذ بـَلدنَـه امن العَـدَمْ

عـنده ضمير اوهم قـِيَـمْ

معروف عَـنَّـه حَـنـبـلي - فرحي يـَيـمْه اوهَـلهـلي

********

مَليـنـَه اشْـبَـعْـنَـه تصريحاتْ

مَـرضْ اوجـوعْ اوتَـفجـيـراتْ

لا خُـبـْـــــزه الضلت لا خَـدَمـاتْ

باگَـوْ الجـزَّه والطلي – شَـعَـبْـنَـه بيهم مبتلي

*********

هـذا النفط ملك الشَـعَـبْ

إلنَـه مرض الهم ذهبْ

باگـَوْ الســلَّـه والعـنَـبْ

مَـكـشـوفْ كـلمنْ مدعي -  فرحي يـَيـمْه اوهَـلهـلي

**********

لادين لاذمَّـه اولاضَمْـيــرْ

سنين عشره والبلد وضعَه خطير

جـوَّه الفـقـر عـيـني هالفَـقـيـر

لايـرضَه رَبْـكـم لا عَـلي - جانَـه الفَـرَجْ وادَلّـلي

*********

لاتـنْـتخـبْ نايـبْ مُـدعي

بالديـنْ يـحچي اويـدّعـي

التخريب البلد يسعَه سَعي

بالبَـلدْ لعْـبَـوْ شـومَلي – شَـعَـبْـنَـه بيهم مبتلي

*********

شَـعَـبْـنَـه دايـخْ جـوعـانْ

حاكـمْـنَـه إيـغـني فَـرحانْ

ذابـحْـنَـه ذَبـْـح الخـرفـانْ

بالچـذبْ واليـنَـه وَلي - جانَـه الفَـرَجْ وادَلّـلي

**********

مُرَشَـحْـنَـه عفيف اوخاليه اچفوفه

دمقراطي نَـظيـفْ .. والسيرَه معروفه

يحمي بَـلدنَـه والنهـَـر واجـروفَـه

لا للطائفية .. لا للمحاصَصَه

لا..لا..للگالو بَـلي - فرحي يـَيـمْه اوهَـلهـلي

*********

شَمْس التَـيار اتغطي الكونْ

ديـمقـراطي اومِنَّـه العـونْ

لـبْـلادي يـحفـظ ويـصونْ

صَوْتـولَه يَـرَبْـعي اوياهَـلي – جانَه الفَرَجْ وادَلّـلي

صوتوله يربعي اوياهلي

فرحي يـَيـمْه اوهَـلهـلي

*********

نيسان / 2014

ستوكهولم