اسـم الله اسـم الله
احكـومـَـتــْـنـَه اسـم الله اسـم الله
نـايـبـْـنـَـه اويـا مـاشــاءالله
شـَـعـَـبـْـنـَه امـكـَـيـّـف مـَـوعـود
لـَـطم اونـوح الـمالـَه احـدود
مـن أرضه او ساكـِت مـَطرود
سـاكـت عَ الـجـوع اوعَ الـذلـَّه
احكـومـَـتــْـنـَه اسـم الله اسـم الله
***
شـَعـب اوصابـر مـامـش مـنـَّه
الـيـاخـذ امـَّه صايـر عـَـمـَّـه
مـا اسـتـثـني شـيـعـَه اوسـنـَّه
أقـَـلـّـيـات اومـن هـالـمـلـَّه
احكـومـَـتــْـنـَه اسـم الله اسـم الله
***
شـَـعـب امـغـَـلـّـس عَ الـحـكـام
صور ايـعـَـلـِگ وَي أعـلام
اخـنـوع اوصايـر مـَـوقـف عـام
مـا تـتـظاهـَـر بـَـس الـقـِـلـَّه
احكـومـَـتــْـنـَه اسـم الله اسـم الله
***
كـل احـگـوگ اتـريـد احـلـوگ
يـنـبـاع الـيـسـكـت بـالـسـوگ
طابـوگ اويـسـْـفـط طابـوگ
الـوَطـَن انـبـاع اتـفـَـرْهـَـد كـلـَّه
احكـومـَـتــْـنـَه اسـم الله اسـم الله
***
شـَـعـب الـنـاطر گـلـّي اولـيـش
ضيـم اومـَرض اوقـلـَّة عـيـش
سـَـد الـمـوصل هـَسـَّـه ايـشـيـش
مـايـَه ايـغـَـرَگ حـتى الحـلـَّه
احكـومـَـتــْـنـَه اسـم الله اسـم الله
***
بـالـلـَطم اويـلـطـم مـلـيـون
احـسـيـن الـثـائـرهـَـزالـكون
سـيـف اعـلـَه الـبـاطل مَسنـون
انـثـور اويـاه اوعـلى هـالـشـلـَّه
احكـومـَـتــْـنـَه اسـم الله اسـم الله
نـايـبـْـنـَـه اويـا مـاشــاءالله
----------------------------------------------------------
شباط / 2016
ســــــــــــــــتوكهولم
اسـم الله اسـم الله
