(يـعـْـبـادي) بسَّـك بـَسّ

شـَعـْب العـراق ايـنـوح ياربي ليـويـن

لوظهر عيسى الحق لو يگعد احسين

***

اليحمل مذَلـَّـه اوموت هم فـقـر وادموم

تحت الرجل ينداس كل وكته مـَـظـلوم

***

هالمارقـيـن اليـوم فـَجـْرَوْ وَطـَـنـَّه

ابـدم الشباب اوشيب عجـنـوْ الحـِنـَّه

***

(يـعـْـبـادي) بسك بـَسّ مللنه حچـيـك

ريس دگلي اشـلون ! ماتحمي شعـْبـَك

***

مـتعـَـنـيه فـقـْـرَه اليـوم تاخـذ تـقاعـد

دمهم جـرَه نـهـران ياربي ســاعـد

***

كراده اصرخت رمضان .. كل احنه صيام

دمـنـَه تـطشـَّـر ليش ؟ هالسـَـنـَه والعام

***

عـدْنـَه القضاء اوصار يرأس عصابه

يستـر على الإجـرام شـوف الربابـَه

***

اعـيـونـَـه زگـل مـَـسـكـيـن .. بـالـعـَـسـَـل نـايـم

مـنـْـهـم لغـف لفـلوس .. بــورپـا هـايـم

***

إلـْـهـم ذَهـَـب واقـصور .. إلـْـنـَـه الـشـَـهـادَه

ويـن الـعـَـدل يـانـاس ؟ ويـن الـعـِـبـادَه ؟

***

هـاذي لـَـخـْـبـار اتـصيـح مـَـلـْـغـومـَـه كـلـْـهـَـه

جـيـش انـقـِـسـَـم مـيـّـات يـا شـَـعـَـب حـِـلـْـهـَـه

***

جمع اوكسر حكام دولة عصابات

موت اومذله اوضيم حكم النفايات

30 / مايس /2017

ســــــــتوكهولم