أَلـِف ليــلـَـه

چا ليش الفـرات اودجـلـَة عـِطـْـشـَـن ماي؟

وابـْـدَم الشـَـــعـَب فاضّـت شـِــــواطيـنـَـه

هـَزّ الكــون وابـْعـِلـْمـَه رجـالـَــه امـْجـاد

ريـحـَـة مـوت فـاحـَـت من دَرابــيــنـَــه

عـِـراق الخـيـَر مـَعـْروف ابـْحـِـضاراتـَـه

حـَمـُرابـي الكـِتــَب سـَـــن ابـْـقــَوانـيـنـَـه

أَلـِف ليــلـَـه يــلـيــلـَه اولـيـلـَـة الـنـَوّاس

تـِـنـْـعـَــد بالألـِـف ليـَـلـَـة  لـَـيـالـيـنـَــه

يــِتــْحـَـدَّه الزَمـَـن وايـبـوس وجـْه الغـيـَـم

يانـَخـْـل العـِراق البـيـك تـِتـْغـَنـَّه بـسـاتـيـنـَه

سـَـعـْـفـاتـَه تـِغـَطـي اهـواي عـِدْنـَـه ايـْـتـام

تـِـتــْوَجـَــع حِــزن تـِـبـْچــي عـَراجـيـنـَــه

الشـَــعـْب العـِــراق اتـلوم كـِـلهـَـه النـاس!

مـَـللهـَـه الحـزن كـِـثــْرَة نـِـواعـيـنـَـــه

ربـْيـنـَه إعـْـلـَه الظـلم والحـَسـرَه والآهـات

فـاض الظيم كِـلـَّه اوهـالـكــُـبـَـر بـيـنـَـه

تـِشـــكـيـك العـِـراق الفـقـْـرَه مـِـن النـاس

چـاويـَـنـَـه الخـبــز واتـْـفـَـرگ اعـْـليـَـنـَــه

شـو خـَـيـمـَت عـَليـَـك الغـرْبـَه والجـيــران

ياهـَيـئـَــة أمـَم ..اشـْـــمـالـِــچ تـِعـْـاديـنـَــــه!

تـِفـَـرَگـْـنـَه ابـكـِل كـِتـر من غـيـَر حـَتى اوداع

ضـَيـَعـْـنـَــه الوَكـِــت ضـاعـَـــت أَراضيـنـَـــه

يـاعـَـفـْـيـَــه وكـِـتـْـنـَــه امـْدولـَــب اوخـَــوّان

طـَـشَــشْــنـَه الضَعـَـن گــَطـَّـع مـَراســــيـنـَـه

وانـوبـَه الشـــمال امـشـَـرّعه الرايات

يا گـلب العـراق .. اليگـطع شـَـراينه

نِـتـأَمـَـل والأمـَـل عـَـدَّه اوراح

ضـاع الحـِلـِم ياروح  .. چـا ويـَنـَه ؟

ياحـيـف الفـرات اودجـلـَة عـِطـْـشـَـن ماي

وابـْـدَم الشـَـــعـَـب فاضَــت شـِــــواطيـنـَــه

---------------------------------------------------

حزيران / 2017

ســــــــــــتوكهولم