قانون الأحوال الشخصية
نشر بواسطة: mod1
الثلاثاء 14-11-2017
 
   
ميسون نعيم الرومي

قانون الأحوال الشخصية

يا شعب تسكت ليش باعوْ بناتك

حيف او ألف ياحيف دنسوْ عباتك

***

لفـّـوهه بالجبات سموهه عوره

يا شعب نايم ليش ؟ سويهه ثوره

***

شـَدَّت عـمـايـم روس ماتـعـْرف الديـن

رَجـْعـَت شـَعـَبـْنـَه حـيـَف يـتـْمـَرْغـَل ابـْطـيـن

***

مجلس أمن چا وين .. وين القواوين

تتزوج الطفلات .. تسعه امن السنين؟

***

ذلـّـونـَـه بـسـْـم الديـن .. وقعوْ قوانين

صرتي سلع تنباع .. يا مرأه ترضين؟

***

سرقوْ ألف مليار .. باعوْ وطنـَّـه

ردوّْ على الأطفال شلعوْ گلبنه

***

العصر الحريم انردّ نصفگ بدينه

قانون التوقع هاذ بيه انولينه

***

وقع على القانون مجلس خزي اوعار

عبده انتي صرتي اليوم محبوسه بالدار

***

من الأرض والدار ما عدنه حصـَّـه

لا بالورث ذكروچ هالصرنه قصه

***

صرتي متاع اليوم يا مرأة اصحي

قانون الاعوج هاذ بالقوه مسحي

***

انتفضي يمرأة اليوم حطمي قيودچ

لو طبقوا القانون چا هذا صوچچ

***

حقــَّه الرجل چا صار يتزوج اهواي

يتگابل التسع اسنين يعزف على الناي

***

للقاصرين اليوم رادو يبوگون

هم طفله تسع اسنين هم ثروه يردون

***

وين الرفض چا وين چا وين الاقلام

لو كتبت الأقلام ماضن ظلم دام

-------------------------------------

نوفمبر / 2017

ســـــــــــــــتوكهولم

 
   
 



 

نقوم بارسال نشرة بريدية اخبارية اسبوعية الى بريدكم الالكتروني ، يسرنا اشتراككم بالنشرة البريدية المنوعة. سوف تطلعون على احدث المستجدات في الموقع ولن يفوتكم أي شيئ





 
الأحد 23-10-2016
 
يـا ســاحة التحرير..ألحان وغنـاء : جعفـر حسـن
الخميس 10-09-2015
 
الشاعر أنيس شوشان / قصيدة "سلام عليكم "
الثلاثاء 25-08-2015
 
نشيد الحرية تحية للاحتجاجات السلمية للعراقيين العراق المدني ينتصر
الثلاثاء 25-08-2015
^ أعلى الصفحة
كلنا للعراق
This text will be replaced
كلنا للعراق
This text will be replaced