هذوله احنه ...
چواكيچ وفكر وزنود
نهدم قلعة السلطان
المندمنه بنه اقصور ومعامل
واشترانه ابلا ثمن ينگال
حته انحرك الآله
ودمنه ايحرك الآله
يكتب للعصر تاريخ عماله
صرخنه ابوجه كل سلطان
ليش النايم ابفينه يضل سلطان
ويضل بس التعب حگنه
مابین العرگ والدم
وسنين القهر والهم
يضل العامل التعبان
عايش على الكفاف اسنين
بين السوط والحيطان
موحته الله ابكتابه ايمجد الانسان
ليش النايم ابفينه يضل سلطان
موش الآله التنه .. ؟
ودمنه ايحرك الآله
وفز بين المعامل والاكواخ شياع
ابچفه اترفرف الرايه
تحمل منجل وچاكوچ
وابدم الشهيد الوفي امحنايه
اضراب وتنظيم وغايه
وصار التنضيم ايحزمنه ابفد حزام
والاضراب اتباهه ابدمنه ابكاورباغي
وشلنه الرايه المكتوب ابدمنه ونادينه
ياعمال الدنيه التموا..
واتلملمنه.. وصرنه اهوايه
وصارت كل الدنيه تناضل تحت الرايه
ياعمال العالم اتحدوا...
مرات القراءة: 2205 - التعليقات: 0
نقوم بارسال نشرة بريدية اخبارية اسبوعية الى بريدكم الالكتروني ،
يسرنا اشتراككم بالنشرة البريدية المنوعة. سوف تطلعون على احدث
المستجدات في الموقع ولن يفوتكم أي شيئ