أبوذيات
الحزبنه ولشعبنه احنه ... وفينه
وتموز الشمس عدنه ... وفينه
فهد عدنه وسلام وحازم وصارم وفينه
مثل سعدون ألف وسبعميه
*******
يهل ماشي الحزبنه ... سلمنه
واخذ كل لون وردة ... سلمنه
گله احنه الشهادة .. سلم النه
تره ماكو شهيد ابلا قضية
***
الحزب يبقه ضمير النه.. ورايه
ومن فكره تعلمنه .. ورايه
اذا امشي الحزب يمشي .. ورايه
احس نبضه ونبض گلبي سويه
*******
ما أسافر
أسافر وين أروح
أوين أسافر
العراق احله بلد ونعمره باچر
ومثل هاذه العراق الدنية متجيب
وبعد هاذه العراق الدنيه عاگر
لوين اتريد تفتر بالمحطات
ويا طير اليعوف اهله ويهاجر
ظل
مثلي ابوگ الوحشه بالليل
ونگضيهة سوه أقلام ودفاتر
آنه.. قررت وي شمس الغروب
ما عوف الوطن وقطع تذاكر
ولا تعتقد گلبي ينسه تموز ولا بغداد
ولا نخل السماوة والگناطر.
*******
وأليد الليل هسه ايدور احباب
وتجينه اوجوه سمحه إبطبع شاعر
ونلبس اطفالنه بأحله الدشاديش
ونوزع ورد لهل المگابر
تخلص والوطن هم يرد عريس
وما يبقه الوطن يكسر الخاطر
يبو صبح الورد يمحلي السنادين
يظل صبحك ورد فوگ الستاير
يا احله وطن لا تزعل ارجوك
ترد
تبنيك عمال المساطر.
*******
شمس تموز
رادو يحبسون الشمس
بس ما لگوا زنزانه ترهم للحبس
ومن عطشو هاي الشمس
ما شربت الماي النگس
إشگد حاولو نبتعد عن درب الشمس
گنالهم
أيام المزبن گظن
ونگضت أيام الحبس
تالي الشمس سكنت ابيت
احبابهه بالاندلس
واليوم مو مثل الامس
باچر يمر تموز
لابس بدلة العمال
وبليلة عرس
*******
رسالة الى الزعيم الخالد عبد الكريم قاسم
مقطع من قصيدة
منو المثلك عزيز اسمه .. وقاسم
ابخبزته شارك الفقره .. وقاسم
اذا احچي تره احچي .. وقاسم
وعله المكشوف اسمي القچقچيه
...............
وگبلك
يا وطن ذبحوا عزيز الناس
چان
أشرف ضمير العاش بحساسك
فرش گلبه عراق.. إبگد حلم بغداد
اوبچه وياك من شاف الحزن جاسك
العواطف
يبو إدعير بالسياسه الموت
او عفه الله
اشلون تالي وصلت الراسك
دفعنه
ارگاب من هاي الفعه يا حيف
زلم چانت ابذاك اليوم حراسك
وحياتك
يبو الغيره ما بچينه إعليك
بس تموز دنگ من بچه وباسك
السداره
الفوگ راسك تسوه كل التوج
لأن هاي السداره اعگال
...............
كل
هاذه العراق وأهلك وناسك
رو سفرطاسك يظل يرهب كراسي الخوف
لأن
ما جاي من جوع الشعب
هاذه سفر طاسك
سلام
امن العراق وكل فقير البيه
إلك يا بو الفقير وهاذه مقياسك
...............
اعذرني يا وطن خليني ابچي اعليك
لأن احنه الشربنه المر .. عسل وياك
او ضگنه العلكم إبكاسك
شيوعيين يعرفنه الوطن
منبوگ خبز الناس
ومن دمنه الوطن يملي عطش كاسك
سلام الكل شهيد الحنه وجه الگاع
وتحيه الكل عراقي العطر انفاسك
طريق الشعب
قصائد بمناسبة ذكرى ثورة تموز
