هديتي لكم عشاق ساحة التحرير
نشر بواسطة: Adminstrator
الأربعاء 07-09-2011
وفاء الربيعي
شكد انتو حلوين ورفعة للراس
شما طال الظلم بالنور ينداس
احبنكم جنكم حفلة
اعراس
تضحكون وتردون الامل ليَّ
حلوين انتو يا هيبة وطنه
تضحون وبيكم نجدد املنه
احبكم وانتو تتحدو المنية
وتردون السعادة ردود ليَّ
شكد حلوين وانتو بساحة التحرير
مثل نهرين ملتفين
مثل كلبين وانشجن بعشكين
تحملون البشاير زخة امطار
وصرتوا انتو الفرح بدموع الانهار
حبكم للوطن مكحلة
للعين
الظلم بيكم يزول ومايبقى الونين
تصير الروح من حبكم
ندية
الامل بيكم يزهر ويعطر الدنية
مرات القراءة: 2068 - التعليقات: 0
هديتي لكم عشاق ساحة التحرير
