ميسون نعيم الرومي
عـيـد العامل هذا اليـوم
صوته اليعله وَي لغيوم
اسنين اهوايه يا آيـار
والعـامل مـَـسـحـوگ اومحتـار
چـنت اتـهـز الدنيـّه ابيد
والشـعب اليهتف وايعيـد
*(كاورباغي) النادت واتريد
يرجع مجدك يالصنديد
چاكوك مايصده ابيوم
ما دام الظلم .. اوميدوم
صوت العامل هز الكون
ترضه الذلـَّه ! گلي اشلون
جرح اليصرخ جرح العوز
شمس الماغربت .. تموز
العامل صوته هز الكون
يكنس كل سارق وايخون
ترجع باچر تبني ابلادك
ابفكرك يعله مجد اجدادك
يتصلح كلشي او متضل هيچ
و المترهل ميضل بيده (سويچ)
يعراق احبيب يا منيوب
وكسه الچانت يالمهيوب
فد يوم او تتحاسب الوجوه
واترد الهيبه للسوح
نفرح وانغني بالعيد
وانت الخالد يالصنديد
اوياك انعـَـيـّـد يوم العيد
حر الوطن اوشعبه سعيد
…….
الى العامل في عيده
