ابيض ..بني
لون أعيونك هلكاتلني
كل ما ردت ارسم مايطلع
يمكن تاليته يجنني
وشفافي لشوفك عطشانه
وبعيونك بحر ونهرين
ولو ردت أشرب
هم تخذلني
تتعذر ظرفك مايسمح
وبالكيش بلحظه تغركني
لو عالشاطي
وارجع من عدهن عطشانه
بس الوان
...
ابيض
اسود
صبح..وليل..هناك وهين
وانا اتنطر اقره بجلماتك
واتحسر ..اشتا ك
ومشتاكه الروح
كبل العين
ياليل أحجيلك اسراري
والسر....
ماكلته الكل أحد
هذا اليهواه روحي وكلبي
وطول اليوم برسمه اتفكد
واحجي ويه الصوره التضحكلي
وتتراكص دمعاتي على الخد
عينك ماتدري وخجلانه
وروحك عل حاصل تتمرد
ياريت اشواقك ماتهفت.. ولا حب يخمد
جا مو بيدي
ياريت الكاين ماكان
راح يظل
حسره بايامي
بس يبقه وي الروح ويمتد
مايعرف بي كل انسان
ولا شافت مثله النسوان
ويظل مثل الظل بدربي
بشميسة وكتي البردان
اي يلتسأل هاي ايامي
تظل سالوفه
بس
الوان..........
مرات القراءة: 3266 - التعليقات: 0
نقوم بارسال نشرة بريدية اخبارية اسبوعية الى بريدكم الالكتروني ،
يسرنا اشتراككم بالنشرة البريدية المنوعة. سوف تطلعون على احدث
المستجدات في الموقع ولن يفوتكم أي شيئ
ألوان
