للناصرية انتخي
للناصرية انحاز
للباسلين المشو
للمجد دون ايعاز
للغالبة خيلهم
هنياله كلمن فاز
للي وثب حيدهم
نخوة وشيم ما عاز
للبيض افعالهم
ليلو وذهب وألماز
.....
للوكفوا ومرجفو
سباع وشديدة باس
للما سكت صوتهم
وصدورهم متراس
من ميهه اشرب طاس
ظنو ولوها وخسو
وياهه كل الناس
لاهل الشهامة ونعم
تيجان فوك الراس
مفصل عليهم عدل
ثوب الفخر مقياس
للبنو دولة عدل
دمهم الغالي اساس
لأهل العلم والفكر
رقة وشعر واحساس
وياهم وصوتنا
بكل مأذنة وجراس
والضيم من جاسهم
بكلوبنه هم جاس
وياهم بكل فعل
فزعة وفعل نوماس
بالساحة نثبت وتد
وكلوبنه الحراس
هم يجي يوم السعد
المأتم يصير اعراس
ويتعله صوت الشعب
يشهر الطاغي إفلاس