*مذبوحه صبحت بيروت

والبـَحـَـر بالدم غـرگان

تـفجـير وجـَّـت بيروت

جـَـمـْر اشتعل والنيران

انهجمت ابلحظه اوچا ليش؟

ماظل مباني اوحيـطان

***

ارماد صارت (بيروت)-

انغصبت عروس الخلجان

نهشـَـوا ابلحمچ اشـرار

عمامه اولـِحايه اوقمصان

عـِـقـْد البجيدچ فرطوه

ليلو تـِطـَـشـَّـر مرجان

***

منكوبـَه باهلچ بيروت

دمهـم جـِـرَه بالوديـان

درَّة زمانـچ (بـيـروت)-

الأحزاب حطمت لبنان

بسمك قتل وي ارهاب

-(يادين) يهدي الأحزان؟

***

بـَـلوه ابتلينه اوليوين؟

ويـن العـَـدل يا انسان

موت اومرض بس ادموع

ما ظل أمـِـن بالبـلدان

التـَمـَّـت علينه السراق

اشـكال منهم والوان

***

گصوا گصايب صنعاء

سوريـَّه الظلم بالأطنان

ذبـحوا شـبيبه ابـغداد

ابيروت گطعوا شريان

هجمـَوا علينه البيوت

ديـن السياسي التعبان

ليويـن نلطم وانوح

ليوين تشـبـَع (ايران)-

-----------------------------------

*انفجار هائل هز بيروت مساء يوم الثلاثاء المصادف 4/8/2020

سُمع دويه في قبرص على بعد 240 كيلومتراً

وعلى أثره اعلنت بيروت محافظة منكوبة

-------------------------------------------------------------------------------

5/ آب /2020

ســـــــــــــــتوكهولم