(حايط انصَـيـّـص)
نشر بواسطة: mod1
السبت 01-10-2022
 
   
ميسون نعيم الرومي

(حايط انصَـيـّـص) - مهداة الى ثوار تشرين

هـذا (العراق) الچان هيـبه اوتـرافـَه

-(حايط انصَـيـّـص) صار مَحَّد يِخافـَه

***

مَحَّـد يِخافـَه حيـف .. والكـل تـنـِهـشـَه

-(قُمـْبـر) اوكومه اسلاح .. امن الجَو تضربه

***

امن الجَو تضربه اتراك ويـّاهـّه إيران

كـِتلوْ شعبنه اشرار.. رَوْعـَـوْ السكان

***

رَوْعـَـوْ شعبنه اشرار محـَّـد يـِكعـْـهم

سـافـل حرامي اليوم .. للوطن يحكم

***

للوطن يحكم حيـف لملوم اجانـَه

موت اوخراب اديار اشبعنه مهانه

***

اشبعنه مهانه اوذل .. صار النه عقدين

واللي گبلهه اعقود .. شو جـَـنـَّـه ميتين

***

شو جـَـنـَّـه مـِـتـْـنـَـه ليش نتحـَـمـّـل الذل

من الظلم والجور شـو .. صرنه منـخل

***

عيشة ظلم ياناس .. والنفط مبيـوگ

عند الغرب الفلوس .. والبلد محروگ

***

هدَّوْ علينه اذناب ! خربوْ وطنه

صار العراق ارماد ! بالفگرعشنه

***

بالفگر عشنه اسنين .. ضاگت علينه

هبّ الشـباب اليوم .. لازم نعـيـنـَه

***

هب الشباب اليوم .. يـنقـذ وطـَـنـَّه

الولدك تصير أسـْـوارْ .. ها يا شعبنه

***

-(تشرين) هذا الثار .. يـِعـْـدل الميزان

الثـوره نـار اونـور.. وابـكـل الأزمان

***

وانحاسـب (الأوغـاد) والبـاع الاوطان

يضويي العراق ايشع بـ (اطيافه) للوان

---------------------------------------------

بمناسبة الذكرى الثالثة لانتفاضة تشرين المجيدة

1 / تشرين الأول / 2022

ســــــــتوكهولم

 
   
 



 

نقوم بارسال نشرة بريدية اخبارية اسبوعية الى بريدكم الالكتروني ، يسرنا اشتراككم بالنشرة البريدية المنوعة. سوف تطلعون على احدث المستجدات في الموقع ولن يفوتكم أي شيئ





المهرجان العربي الكلداني
 
في صباح الالف الثالث
الأحد 23-10-2016
 
يـا ســاحة التحرير..ألحان وغنـاء : جعفـر حسـن
الجمعة 11-09-2015
 
الشاعر أنيس شوشان / قصيدة
الأربعاء 26-08-2015
 
نشيد الحرية تحية للاحتجاجات السلمية للعراقيين العراق المدني ينتصر
الثلاثاء 25-08-2015
^ أعلى الصفحة
كلنا للعراق
This text will be replaced
كلنا للعراق
This text will be replaced