الى العزيز الشاعر الكبير إبراهيم الخياط
“لأن إبراهيم الخياط شاعر وطن ولأن ناظم السماوي يعرف نبض هذا الوطن، آثرنا في ثقافية الطريق ان نقدم هذا النص الشعبي الأثير استثناء نعتز به وبنبض ملهمه”
يا هو
اليخيط الجرح بعدك يخياطه
صدگني گلبي حطب محتاج شخاطه
امنين ما ألتفت
ينشدني عنك عنب
ويسألني باقي العمر
بعده العنب ينتظر
حواش سوباطه
طبعك.. حمامة طفل
فرفحت بيده وبچت
وشوغاته ما تنوصف
ومخنوگ بگماطه
يا بو حنين الگطه
وشباچ يتنه المطر
لو صوت داخل حسن
انته مدينة عشك
من ليل غرناطه ونته ظفيرة عرس
ومثون شذره ومشط
وفارگت گذلة ذهب
وي حزن المشاطه
ونته قميص او حلم
والطول لايگ إلك
حته قميصك بچه من فارگ ارباطه
لا يا گزاز الوكت
مو هسه بعده الوكت
احنه كرهنه الوكت
من خسة اشباطه
يا برتقال الوطن
ويا ريل سچه ودرب
باقي إبضمير الشعر
ونته اول إمحاطه
يا برتقال الوطن
