خلصنه الحچي
والقلم ملنه واستراح
اوزهرات الگلب
غرگن بالجراح
خلصنه الحچي
واتعثرت الچلمات
والگمر شوف الگمر..
ع الشفه شو مات
***
خلصنه الحچي
او سكت بينه الكلام
والدمع ع الخد نشف ..
بين الجفن والعين
او لا أبد .. ما ساح
خلصنه الحچي
نشفت اقلام الكتابه
والحبر جف اويبس
او بالروح صارت رتابه
والغيم چنه مستحي
او ناشر وشاح
***
خلصنه الحچي
اوشيفيد الكلام
ولا نفع نوح اولا ملام
خلصنه الحچي
وانكسر ضلع الجناح
خلصنه الحچي
وانطفت ومضات الأمل
والجرح يدي يظل
او ما ضنه ابد يندمل
وين ارحلت عنه
يا شمل
***
خلصنه الحچي
والگلب مضيوم الگلب
مكطوع شريانه او وريد
هاكثر بيه امن الجراح
خلصنه الحچي
وانداس مات الياسمين
اوبرد بالروح الحنين
وبعد ماينفع حچي
لا ينفع سماح
خلصنه الحچي
خلصنه الحچي
--------------------------------------
7/ آيار/ 2025
ســــــــــــــــــــــــتوكهولم
خلصنه الحچي
