ادخيلك يربي الطف
هم ايبچي او هم ايضحك
اوهم بالناس يستسخف
جريدي كرط…
الفلوس واتصرف
(والمركزي)....
يولول او متحلف
صوچ الجريدي والمطر!
*****
وانوبه الحمام اشلون…
هالورطه
هدت ع الشلب….
و انوكلت الحنطه
اطنان اشفـِطت…
شو چنهه متقصده
تتعده ع الشعب….
يا ورطه من ورطه
مگرود الشعب….
محد الينصفنه
ادخيك يربي الطف
****
واجسوره انبنت….
وافرحنه صفگنه
گلنه تنفرج….
والدنيه راضتنه
نوصل بالعجل….
واتخلص المحنه
والفرحه الچذب…..
متدوم خو النه
وابلحظه… انطبگ…
بالگاع واكتلنه
حيوان الاجه…
(وابزگطه) طيحنه
صوچك يا شعب….
تشكي او تتأفف
*******
واهوايه بعد خل….
نسكت اوما نحچي
خافن نبتلي….
وابتهمه…. كيديه
وايضيع الاثر…
ابزنزانه منسيه
تعذيب اوكتل…..
لو حفره جماعيه
افرجهه يربي الطف
افرجهه
………………………
اكتوبر / 2025
#ســــــــتوكهولم
ادخيلك يربي الطف
